أهلي وأحبّتي في نيحا
أهلي وأحبّتي في نيحا
من قلبي، من بيتنا الصغير اللي كبر على صوت الضيعة وحنين ترابها، ومن بين وجوهكن اللي كل وحدة فيا بترجعلي ذكرى وصورة وصوت… عم بكتبلكن اليوم، مش كمرشحة، بل كإبنة منكن، عاشت همومكن، فرحت لفرحكن، ودمعت لدمعتكن.
نيحا مش ضيعة وبس… نيحا عيلة. وعيلتنا الكبيرة بتستحق إنماء بيشبه أصالتها، وبلدية بتعرف تحترم تاريخها وتشتغل من قلبها لولادها. نحنا ناس زرعنا بمحبتنا، وحصادنا لازم يكون مستقبل أوضح وأقوى لأولادنا.
اليوم، بلحظة القرار، ما بديكن تصوتولي لأن إسمي على اللائحة، بديكن تصوتوا لضميركن، للي شايفين فيه صدق النية، ونظافة الكف، وإرادة التغيير. بدي تصوتوا للائحة نيحا ثقافة وإنماء لأنّا جايين نشتغل بإيدينا، نزرع الثقة، ونحافظ على وجه الضيعة اللي كلنا منعتز فيه.
من قلب أم، وأخت، وبنت من هالبلد، بطلب منكن، خليكن أوفياء لنيحا مثل ما هي كانت وفية لإلنا كل عمرها.
نيحا بتستاهل، وأنتو ...
